“General Əliağa Şıxlinski” gəmisinin kran qolunun demontajı başa çatıb
Bakı, 8 may, AZƏRTAC
“Azərbaycan Xəzər Dəniz Gəmiçiliyi” QSC-nin (ASCO) Xəzər Dəniz Neft Donanmasının balansında olan “General Əliağa Şıxlinski” kran gəmisinin 600 tonluq kran qolu (strela) uğurla demontaj olunub.
ASCO-dan AZƏRTAC-a bildirilib ki, bu prosesdə həm “Bibiheybət” Gəmi Təmiri Zavodu, həm də “Zığ” Gəmi Təmiri və Tikintisi Zavodunun əməkdaşları iştirak ediblər.
Demontaj işləri “Bibiheybət” Gəmi Təmiri Zavodunda “Azərbaycan” kran gəmisindən istifadə edilməklə həyata keçirilib. Bundan sonra kran qolunda təmir işləri yerinə yetiriləcək və təkrar yerinə qoyulacaq. Bu da kranın tam gücü ilə təhlükəsiz istismar olunmasını təmin edəcək.
Qeyd edək ki, “General Əliağa Şıxlinski” 600 tonluq kran gəmisi dənizdə neft və qazçıxarma obyektlərinin tikintisində fəal iştirak edib və hazırda da xidmətini davam etdirir.
Bölmənin digər xəbərləri
