“GL” ASC-nin istiqrazlarının yerləşdirilməsi üzrə hərrac keçirilib
Bakı, 5 may, AZƏRTAC
Mayın 5-də Bakı Fond Birjasında (BFB) “GL” ASC-nin tədavül müddəti 5 təqvim ili, nominal dəyəri 1000 ABŞ dolları olan 400 min ABŞ dolları həcmində, faizli, təmin edilməmiş sənədsiz, adlı istiqrazlarının yerləşdirilməsi üzrə hərrac yekunlaşıb.
BFB-dən AZƏRTAC-a bildirilib ki, hərrac zamanı bir investor tərəfindən bir sifariş təqdim olunub. İstiqrazın illik faiz dərəcəsi 15 faiz, faiz ödəniş dövrü isə hər ayda bir dəfə təşkil edir. Sifarişlərin nominal qiymətlə ümumi məbləği və istiqrazların nominal qiymətlə yerləşdirilmiş həcmi isə 400 min ABŞ dolları təşkil edib. İstiqrazlar 2028-ci il mayın 5-də ödəniləcək. Yerləşdirmə üzrə anderrayter “AzFinance İnvestisiya Şirkəti” QSC-dir.
Bölmənin digər xəbərləri
