GÖRKƏMLİ BƏSTƏKARIN YUBİLEYİNƏ HƏSR EDİLMİŞDİR
Görkəmli bəstəkar, əməkdar incəsənət xadimi, məşhur “Cücələrim” mahnısının müəllifi Qəmbər Hüseynlinin anadan olmasının 90 illiyi ilə əlaqədar Gəncədə silsilə tədbirlər həyata keçirilir. Şəhərin ümumtəhsil məktəblərinin kollektivləri də bu tədbirlərə qoşulmuşlar. Gəncə Şəhər Təhsil İdarəsindən AZƏRTAC-ın müxbirinə bildirmişlər ki, tanınmış bəstəkarın 90 illiyi münasibətilə məktəblərarası müsabiqə təşkil edilmişdir. 9 nominasiya üzrə keçiriləcək müsabiqədə şagirdlər xor, rəqs, bədii qiraət, rəssamlıq, xalq çalğı alətlərində ifa və başqa sahələrdə bacarıqlarını nümayiş etdirəcəklər. Fərqlənən şagirdlər şəhər təhsil idarəsinin diplomları və xatirə hədiyyələri ilə təltif olunacaqlar.
Bölmənin digər xəbərləri
