GÖRKƏMLİ OFTALMOLOQ ALİM ZƏRİFƏ XANIM ƏLİYEVANIN XİDMƏTLƏRİ UNUDULMAZDIR
AZƏRTAC xəbər verir ki, Şamaxı rayon mərkəzi xəstəxanasında görkəmli oftolmoloq alim, akademik Zərifə xanım Əliyevanın anadan olmasının 85 illik yubileyi təntənə ilə qeyd olunmuşdur.
Tədbirdə rayon mərkəzi xəstəxanasının baş həkimi Adil Mustafayev qeyd etmişdir ki, xalqımızın unudulmaz qızı Zərifə xanım Əliyevanın Azərbaycan tibb elminin inkişafında xüsusi xidmətləri vardır. Xalqımız görkəmli alimin bu xidmətlərini heç zaman unutmayacaq, onun əziz xatirəsi daim ürəklərdə yaşayacaqdır.
Yubiley tədbirində rayon mərkəzi xəstəxanasının şöbə müdiri, YAP rayon təşkilatı qadınlar şurasının sədri Nəzakət Abdulrazaqova görkəmli oftalmoloq alim, akademik Zərifə xanım Əliyevanın mənalı həyatı və çoxşaxəli fəaliyyəti barədə geniş məruzə etmişdir. Məruzədə böyük alimin elmi, pedaqoji, əməli fəaliyyəti ətraflı təhlil olunmuş, onun nəcib insan, gözəl alim və bacarıqlı ictimai xadim kimi gördüyü işlər ehtiramla xatırlanmışdır.
Toplantıda çıxış edənlər Azərbaycan tibb elminin görkəmli nümayəndəsi Zərifə xanım Əliyevanın həyat və fəaliyyətinin unudulmaz məqamlarına toxunmuşlar.
Bölmənin digər xəbərləri
