GÖYÇAYIN EMAL MÜƏSSİSƏLƏRİNİN MƏHSULLARI AVROPA VƏ AMERİKAYA İXRAC EDİLİR
Sənədin qəbulundan sonra rayonda maldarlıq üzrə 5 özəl damazlıq təsərrüfatı yaradılmışdır. Onlardan 3-ü çamışçılıq, 1-i isə qoyunçuluq üzrə ixtisaslaşmışdır. Göyçay konyak və konserv zavodlarının da fəaliyyəti bərpa edilmişdir. Bu müəssisələrdə istehsal olunmuş məhsullar əsasən Rusiya, Ukrayna, ABŞ, Kanada və Almaniyaya ixrac olunur.
Ötən müddətdə 364 hektar sahədə yeni meyvə bağları və 5,5 hektarda üzümlük salınmışdır. Yem zavodu özəlləşdirilmiş, hazırda müəssisəyə sərmayə qoyulması, həmçinin işə salınması üçün tədbirlər görülür. Baş su qəbuledici qurğuda şlüz, istinad divarı, suaparıcı kanalın 10 metrlik, suaşıran bəndin 80 metrlik hissəsinin tikintisi başa çatdırılmışdır. İstismar-təmir tədbirləri hesabına 970 kubmetrlik məcratəmizləmə işləri həyata keçirilmişdir. Selə qarşı tədbirlər layihəsində Göyçay çayında 1000 metrlik dəmir-beton bəndlərin tikintisi üzrə layihə işləri və tender sənədlərinin hazırlanması başa çatmış, tikinti təşkilatının seçimi üzrə beynəlxalq tender elan olunmuşdur.
Bölmənin digər xəbərləri
