Gürcüstan vətəndaşları Suriya və İraqda terror qruplaşmalarında xidmət edirlər
Tbilisi, 4 aprel, AZƏRTAC
Gürcüstan vətəndaşları Suriya və İraqda terror təşkilatlarında xidmət edirlər.
AZƏRTAC Gürcüstan KİV-lərinə istinadən xəbər verir ki, terror qruplaşmalarında döyüşən gürcülərin sayı 30-a yaxındır.
Yerli mətbuat Gürcüstan Dövlət Təhlükəsizliyi Xidmətinin məlumatına istinadən yazır ki, onların hazırda müxtəlif terror təşkilatlarına qoşularaq döyüşlərdə iştirak etmələri istisna olunmur.
Məlumatda deyilir ki, 2017-ci ildə həmin vətəndaşların Gürcüstana qayıtmaları faktları qeydə alınmayıb. Həmin vətəndaşların Gürcüstana mümkün qayıdışı xüsusi nəzarətdə saxlanılır. Onlar qayıtdıqda qanunamüvafiq addımlar atılacaq.
DTX terrorizm və ekstremizmin maliyyələşdirilməsi faktlarının müəyyən edilməsi üzrə fəal tədbirlər həyata keçirib. Terrorizmlə əlaqəsi olan bir neçə şəxs Gürcüstanda müxtəlif bank əməliyyatları həyata keçirməyə cəhd edib. Xidmət qanun çərçivəsində bu cür cəhdlərin qarşısını almağa çalışır.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
