GÜRCÜSTANDA 300 MİNƏ YAXIN AZƏRBAYCANLI YAŞAYIR
Xatırladaq ki, 1990-cı ildə keçirilən əvvəlki siyahıyaalmaya görə, azərbaycanlılar 307.556 nəfər idi. Göründüyü kimi, son 13 il ərzində burada azərbaycanlıların sayı xeyli azalmışdır. Soydaşlarımızın yığcam yaşadıqları Kvemo Kartli-Borçalı bölgəsinin rayonlarını - Dmanisini 23.810, Bolnisini 7.246, Marneulini 2.173, Qardabanini 414 nəfər azərbaycanlı tərk etmişdir.
Bu hal təkcə azərbaycanlılara xas deyildir. Belə ki, həmin illər ərzində Gürcüstan əhalisi 1.029.306 nəfər, o cümlədən gürcülər 126.220, ermənilər 188.282, ruslar 273.501 nəfər azalmışlar. Gürcüstanın ümumi əhalisi tərkibində azərbaycanlılar 0,8 faiz artmışdır. Bu göstərici 1989-cu ildə 5,7 faiz idisə, 2002-ci ildə 6,5 faizi təşkil etmişdir.
Hazırda Gürcüstanda 100 və 100-dən yuxarı yaşı olan 64 nəfər azərbaycanlı yaşayır.
Marneuli rayonunda yalnız azərbaycanlıların yaşadıqları Sadaxlı kəndi əhalinin sayına görə (9.486 nəfər) Gürcüstanın ən böyük kəndi sayılır. Telavi rayonundakı Qaracalar kəndi (8.276 nəfər) isə üçüncü yerdədir.
