Gürcüstanda daha bir müxalifət lideri saxlanılıb
Tbilisi, 15 sentyabr, AZƏRTAC
Gürcüstanda daha bir müxalifət lideri saxlanılıb.
AZƏRTAC xəbər verir ki, Gürcüstan hüquq-mühafizə orqanlarının əməkdaşları sentyabrın 15-də “Dəyişiklik Koalisiyası”nın liderlərindən biri Elene Xoştariyanı saxlayıblar.
Müxalifətçinin saxlanılmasına səbəb, onun "Gürcü Arzusu-Demokratik Gürcüstan" partiyasından Tbilisi meri vəzifəsinə namizəd Kaxa Kaladzenin bannerini zədələməsidir.
Faktla bağlı Daxili İşlər Nazirliyi tərəfindən iş açılıb. Cinayət Məcəlləsinin 187-ci (əmlakı zədələmə və ya məhv etmə) maddəsi ilə araşdırma başlanılıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
