Gürcüstanda daha bir nəfər koronavirusdan dünyasını dəyişib
Tbilisi, 8 may, AZƏRTAC
Gürcüstanda daha bir nəfər koronavirusdan dünyasını dəyişib. Bununla da ölkədə COVID-19 virusundan ölənlərin sayı 10 nəfərə çatıb.
AZƏRTAC xəbər verir ki, bu barədə Gürcüstan hökumətinin yaratdığı rəsmi stopcov.ge saytında məlumat yerləşdirilib.
Bildirilir ki, bu gün ölən şəxs Qori hərbi xəstəxanasında müalicə olunurdu.
Qeyd edək ki, bu günədək Gürcüstanda koronavirusa yoluxma ilə bağlı 623 fakt təsdiq olunub. Koronavirusa yoluxanların 288-i sağalıb.
Hazırda qonşu ölkədə 4702 nəfər karantində, 459 nəfər stasionar nəzarətdə saxlanılır.
Məlumat üçün qeyd edək ki, koronavirusdan ümumilikdə 23 Gürcüstan vətəndaşı dünyasını dəyişib.
Onlardan 13-ü xarici ölkələrdə ölüb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
