Gürcüstanda koronavirusa yoluxmada yeni antirekord qeydə alınıb
Tbilisi, 11 may, AZƏRTAC
Gürcüstanda koronavirusa yoluxma və bu virusdan ölüm sayında yeni antirekord qeydə alınıb.
AZƏRTAC xəbər verir ki, son sutka ərzində Gürcüstanda koronavirusla əlaqədar 28 min 532 test yoxlaması aparılıb.
Nəticədə 1788 nəfərdə koronavirus aşkarlanıb. COVID-19 virusuna yoluxmuş 1251 nəfər sağalaraq evə buraxılıb. Pandemiya qurbanlarının sayı isə daha 31 fakt artıb.
Gürcüstan hökumətinin rəsmi “stopgov.ge” saytının məlumatına görə, ölkədə COVID-19-a yoluxanların ümumi sayı 324 min 256 nəfərə çatıb.
Onların 303 min 679-u sağalıb, 4336-sı isə ölüb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
