Gürcüstanın sərhəd polisi Azərbaycana gizli yolla siqaret keçirilməsi cəhdinin qarşısını alıb
Tbilisi, 6 aprel, AZƏRTAC
Gürcüstanın sərhəd polisi Azərbaycan ilə sərhəddəki “Qırmızı körpü” sərhəd keçid məntəqəsində iki nəfəri saxlayıb. Həmin şəxslərdən aksiz markası olmayan 4700 qutu müxtəlif növ siqaret götürülüb.
AZƏRTAC xəbər verir ki, bu barədə Gürcüstan Daxili İşlər Nazirliyi məlumat yayıb.
Saxlanılan şəxslər Gürcüstan vətəndaşlarıdır. Onlar siqaretləri qanundan kənar, gizli yolla Azərbaycana keçirməyə cəhd ediblər.
Faktla bağlı Gürcüstan polisi tərəfindən cinayət işi başlanıb.
Saxlanılan şəxsləri 8 ildən 11 ilədək həbs cəzası gözləyir.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
