GÜRCÜSTANIN YANACAQ VƏ ENERGETİKA NAZİRİ NİKA GİLAURİNİN ÇIXIŞI
Hörmətli Prezident Mixail Saakaşvili!
Xanımlar və cənablar!
İcazənizlə, bugünkü əlamətdar hadisə münasibətilə sizi ürəkdən təbrik edərdim. Bu gün bizim dostluğumuzun və qardaşlığımızın möhkəmlənməsinin daha bir əsası qoyulur və xalqlarımızın iqtisadi gələcəyinin təminatı yaradılır. Biz bu layihənin regionumuz üçün böyük əhəmiyyətini yaxşı dərk edirik. Həm iqtisadiyyat, həm də təhlükəsizlik baxımından layihə bölgə üçün çox mühümdür. Eyni zamanda, layihə bizim xalqlarımız arasında dostluğun daha da möhkəmləndirilməsinə xidmət edəcəkdir. Bildiyiniz kimi, Bakı-Tbilisi-Ceyhan boru kəməri layihəsinin həyata keçirilməsində Gürcüstanın da böyük rolu vardır. Ölkəmiz gələcəkdə də nəzərdə tutulan layihələrin yerinə yetirilməsində öz əməyini əsirgəməyəcəkdir. Eyni zamanda, Bakı-Tbilisi-Ərzurum qaz kəmərinin çəkilməsi də Gürcüstanın qaza olan tələbatını ödəyəcəkdir. Bu layihələrin həyata keçirilməsində əməyi olanların hamısına, o cümlədən onun təşəbbüskarlarına dərin minnətdarlığımı bildirmək istəyirəm.
Bölmənin digər xəbərləri
