“Haas” komandası Hülkenberqə yalnız birillik saziş təklif edib
Bakı, 27 sentyabr, AZƏRTAC
Almaniyalı yürüşçü Niko Hülkenberqin “Haas”la 2020-ci ildə komandanın heyətində çempionatda iştirak barədə razılığa gəlməməsinin səbəbi bəlli olub. 2020-ci il mövsümündə “Renault” komandasındakı yerinə fransalı Esteban Okonun götürüldüyü Hülkenberq “Haas”la üçillik sazişi imzalamaq niyyətində idi. Lakin ona yalnız birillik saziş təklif ediblər. Bu barədə jurnalist Co Seyvard özünün bloqunda qeyd edib.
AZƏRTAC xəbər verir ki, jurnalistin məlumatına görə, “Haas”ın Hülkenberqə çoxillik razılaşma təklif etməməsi amerikalı biznesmen Cin Haasın ortamüddətli perspektivdə komandanın sahibi kimi qalacağı arzusuna əmin olmaması ilə bağlıdır. “Haas” Formula 1 ilə 2020-ci il də daxil olmaqla, kommersiya sazişi ilə bağlıdır. 2021-ci il mövsümündə yeni reqlament qüvvəyə minəcək. Kollektivin yeni şərtlər çərçivəsində irəliləyişə nail olmayacağına əminlik Haası getməyə vadar edə bilər.
Bölmənin digər xəbərləri
