HANS-YURGEN QEDE: “UĞURLU NƏTİCƏLƏR QAZANMAQ ÜÇÜN ÇOX ÇALIŞMALIYIQ”
AZƏRTAC xəbər verir ki, “Neftçi” futbol komandasının yeni baş məşqçisi Hans-Yurgen Qede sentyabrın 5-də mətbuat konfransı keçirmişdir.
“Neftçi”də işləməkdən məmnunluğunu bildirən almaniyalı mütəxəssis, komandanı gücləndirəcəyinə söz vermişdir. Baş məşqçi demişdir ki, komandanın əsas heyəti ilə yanaşı, klubun aşağı yaş qruplarından olan futbolçuları ilə də işləyəcəkdir. “Mən komandanın inkişaf konsepsiyasını hazırlayacağam. Nailiyyətlərin qazanılması üçün çox çalışmalıyıq. Bunun üçün vaxt lazımdır”.
Hans-Yurgen Qede hazırda çempionatda yaranmış fasilədən yararlanaraq Türkiyədə iki həftəlik təlim-məşq toplanışında iştirak edəcək komandanı gücləndirmək məqsədi ilə legioner futbolçuların dəvət olunacağını söyləmişdir.
Bölmənin digər xəbərləri
