Hatayda zəlzələdən 260 saat sonra dağıntılar altından daha bir nəfər xilas edilib
Bakı, 17 fevral, AZƏRTAC
Türkiyədə zəlzələdən daha bir nəfər dağıntılar altından çıxarılıb.
AZƏRTAC “TRT Haber”ə istinadla xəbər verir ki, Hatayın mərkəzi Antakya rayonunda zəlzələnin 260-cı saatında binanın dağıntıları altından 12 yaşlı yeniyetmə xilas edilib.
Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib. Dərinliyi 7 kilometr olan zəlzələ 10 vilayətdə ciddi dağıntılara səbəb olub. Zəlzələdən zərər çəkmiş 10 vilayətdə üç ay müddətinə fövqəladə vəziyyət rejimi elan olunub.
Bölmənin digər xəbərləri
