“HEYDƏR ƏLİYEV AZƏRBAYCAN DÖVLƏTÇİLİYİNİN BANİSİDİR” MÖVZUSUNDA ELMİ-PRAKTİK KONFRANS
AZƏRTAC xəbər verir ki, Azərbaycanda Atatürk Mərkəzində Mədəniyyət İşçiləri Müstəqil Həmkarlar İttifaqı (MİMHİ) Respublika Komitəsinin təşkilatılığı ilə “Heydər Əliyev Azərbaycan dövlətçiliyinin banisidir” mövzusunda elmi-praktik konfrans keçirilmişdir.
MİMHİ-nin sədri Cəmilə Səttarova bildirmişdir ki, Azərbaycanda mədəniyyət sahəsində yeni siyasətin formalaşması ümummilli liderimiz Heydər Əliyevin adı ilə bağlıdır. Ulu öndərin respublikamıza rəhbərliyinin bütün dövrlərində diqqət mərkəzində duran əsas məsələlərdən biri xalqımızın çoxəsrlik mədəniyyətinin daha da zənginləşdirilməsi olmuşdur. O, mədəniyyət işçilərini daim diqqət və qayğı ilə əhatə etmişdir. “Azərbaycan Həmkarlar İttifaqı gücə və nüfuza malikdir” deyən, ölkəmizdə milli, dini mənsubiyyətindən asılı olmayaraq, hər kəsin hüquq və azadlıqlarının qorunmasına böyük əhəmiyyət verən ümummilli liderimiz həmkarlar ittifaqının fəaliyyətinə də xüsusi diqqət yetirirdi. Müstəqil həmkarlar ittifaqlarının maddi və hüquqi bazasının yaradılmasında da ulu öndərin əvəzsiz rolu olmuşdur.
Konfransda Azərbaycan Əmək və Sosial Münasibətlər Akademiyasının prorektoru Ramiz İsgəndərovun “Heydər Əliyev və həmkarlar ittifaqları”, “Simurq” Azərbaycan Mədəniyyət Assosiasiyasının prezidenti, professor Fuad Məmmədovun “Heydər Əliyev və mədəniyyət”, Gənclər və İdman Nazirliyinin şöbə müdiri Əli Məmmədov “Heydər Əliyev və gənclər” mövzularında məruzələri dinlənilmişdir.
######
Bölmənin digər xəbərləri
