Heydər Əliyev Sarayının kollektivi də qanvermə aksiyasına qoşulub
Bakı, 6 may, AZƏRTAC
Azərbaycan Respublikasının Birinci vitse-prezidenti Mehriban xanım Əliyevanın təşəbbüsü ilə irsi qan xəstəliklərindən, xüsusilə də talassemiyadan əziyyət çəkən insanlara kömək məqsədilə Heydər Əliyev Fondu tərəfindən başlanılmış qanvermə aksiyasına Heydər Əliyev Sarayının kollektivi də qoşulub.
AZƏRTAC xəbər verir ki, koronavirus (COVID-19) pandemiyası ilə əlaqədar ölkədə xüsusi karantin rejiminin tətbiq olunduğu müddətdə talassemiya və hemofiliya, eləcə də leykoz xəstəliyindən əziyyət çəkənlər üçün qan ehtiyatının artırılmasına dəstək olmaq məqsədilə, Sarayın kollektivi mayın 6-da karantin rejiminin tələblərinə əməl etməklə B.Eyvazov adına Elmi-Tədqiqat Hematologiya və Transfuziologiya İnstitutunda könüllü olaraq qan veriblər.
Könüllü qan verənlər bunun xeyirxah iş olduğunu diqqətə çatdıraraq belə aksiyalarda mütəmadi iştirak edəcəklərini bildiriblər.
Bölmənin digər xəbərləri
