“HEYDƏR ƏLİYEV VƏ AZƏRBAYCAN GƏNCLİYİ” MÖVZUSUNDA ELMİ-PRAKTİKİ KONFRANS KEÇİRİLMİŞDİR
AZƏRTAC xəbər verir ki, Masallı rayonunda ümummilli liderimizin 85 illiyinə həsr olunmuş “Heydər Əliyev və Azərbaycan gəncliyi” mövzusunda elmi-praktiki konfrans keçirilmişdir.
Toplantıda çıxış edənlər ulu öndərin mənalı və şərəfli ömür yolunun gənclərimizə örnək olduğunu bildirmiş, Heydər Əliyev siyasi kursunun bu gün dövlətimizin başçısı tərəfindən uğurla davam etdirildiyini vurğulamış, bu ilin payızında keçiriləcək prezident seçkilərində İlham Əliyevə səs verəcəklərini diqqətə çatdırmışlar.
Elmi-praktiki konfrans başa çatdıqdan sonra tədbir iştirakçıları Bakı-Astara magistral yolunun 232-ci kilometrliyində ağacəkmə kampaniyasında iştirak etmişlər.
