“HEYDƏR ƏLİYEV VƏ MİLLİ-MƏNƏVİ DƏYƏRLƏRİMİZ” MÖVZUSUNDA SEMİNAR KEÇİRİLMİŞDİR
AZƏRTAC xəbər verir ki, mayın 1-də Qəbələ rayon mədəniyyət evində “Heydər Əliyev və milli-mənəvi dəyərlərimiz” mövzusunda seminar keçirilmişdir.
Dini Qurumlarla İş üzrə Dövlət Komitəsinin və Qəbələ Rayon İcra Hakimiyyətinin birgə təşkil etdikləri tədbirdə “Heydər Əliyev və dövlət-din münasibətləri”, “Heydər Əliyev və milli-mənəvi dəyərlərimiz”, “Dindarlar seçici kimi” mövzularında məruzələr dinlənilmişdir.
Rayon icra hakimiyyətinin şöbə müdiri Qüdrət Səmədov, Dini Qurumlarla İş üzrə Dövlət Komitəsinin şöbə müdirləri Nizami Məmmədov və Ceyhun Məmmədov, rayon mədəniyyət və turizm idarəsinin rəisi Nargilə Qafarova çıxış edərək müasir dövrdə Azərbaycan hökumətinin din siyasətinin Heydər Əliyevin demokratik dövlət quruculuğu kursuna əsaslandığını və bu gün ölkəmizdə ictimai-siyasi sabitliyin, milli-mənəvi həmrəyliyin, etnik-dini tolerantlığın mövcud olmasından danışmışlar. Bildirilmişdir ki, ölkəmizdə həmişə yüksək tolerantlıq mühiti hökm sürmüş, milli-mənəvi dəyərlərə hörmət olmuş, heç vaxt milli və dini zəmində ayrı-seçkilik və qarşıdurma halları baş verməmişdir.
Çıxışlardan sonra seminar iştirakçılarını maraqlandıran suallar cavablandırılmışdır.
Bölmənin digər xəbərləri
