HİNDİSTANDA ƏN TƏHLÜKƏLİ CİNAYƏTKAR MƏHV EDİLDİ
Caninin izinə düşmək və gizləndiyi yeri tapmaq onun əlaltılarından biri polisə təslim olduqdan sonra mümkün olmuşdur. Polis 60 yaşlı Veerappanı yaxalamaq üçün 30 il ərzində çox səy göstərmiş, lakin o, hər dəfə də aradan çıxa bilmişdir. Bu quldur və onun qruplaşması 130 adamı qətlə yetirmişdir. Onların arasında polislər, polis xəbərçiləri, meşə gözətçiləri də var. Quldur dəstəsi fil qaçaqmalçılığı ilə də məşğul olurdu. 2000-ci ildə Veerappan tanınmış hind kino aktyoru Rac Kumarı girov götürmüş, onu 4 aydan sonra, pul alaraq buraxmışdır. 2002-ci ilin axırlarında o, yerli siyasi xadimi də girov götürmüş, onun meyiti üç aydan sonra cəngəlliklərdə tapılmışdır. Bu cinayətlərdən sonra polis onun haqqında məlumat üçün təxminən 400 min dollar mükafat ayırdığını bildirmişdi. Hindistan hökuməti bu təhlükəli cinayətkarın tutulmasına 1990-ci ildən bəri üst-üstə təqribən 1,5 milyard rupi (təxminən 30 milyon dollar) sərf etmişdir.
Bölmənin digər xəbərləri
