İİTKM-ın icraçı direktoru macarıstanlı professor ilə görüşüb
Bakı, 5 may, AZƏRTAC
İqtisadi İslahatların Təhlili və Kommunikasiya Mərkəzinin (İİTKM) icraçı direktoru Vüsal Qasımlı Macarıstan Beynəlxalq Münasibətlər İnstitutunun professoru Laszlo Vazanı ilə görüşüb.
Mərkəzdən AZƏRTAC-a bildirilib ki, İİTKM-in icraçı direktoru Vüsal Qasımlı artıq ikinci belə görüşün keçirildiyini söyləyib və əməkdaşlıq əlaqələrindən məmnunluğunu ifadə edib. Eyni zamanda, Mərkəzin Türk dünyası ilə bağlı həyata keçirdiyi çoxsahəli layihələr haqqında məlumat verib.
Vüsal Qasımlı İİTKM-in koordinatorluğu ilə nəşrə hazırlanan “Türk Dövlətləri İqtisadiyyatı” kitabında həmmüəllif kimi iştirak etdiyinə və rüblük dərc olunan Türk İqtisadi İcmalının ərsəyə gəlməsində göstərdikləri dəstəyə görə minnətdarlığını ifadə edib.
Görüş zamanı, həmçinin Türk dünyasının geoiqtisadi xəritəsinin hazırlanmasına dair plan müzakirə edilib, birgə əməkdaşlıq sahələrindən danışılıb.
Bölmənin digər xəbərləri
