İLMƏ VURMAQ ÜZRƏ DÜNYA REKORDUNU TƏZƏLƏMİŞDİR
AZƏRTAC-ın xüsusi müxbiri xəbər verir ki, Londonda ilmə vurmaq sahəsində toxucu qadınlar arsında müsabiqə keçirilmişdir. 52 yaşlı şotlandiyalı qadın Hazel Təndal bu sahədə dünya rekordunu təzələmişdir. O, üç dəqiqə ərzində 255 ilmə vurmaqla çempion adına layiq görülmüşdür. Onun yaxın rəqibi olan Olqa Pobedetskaya 214 ilmə, keçmiş dünya çempionu Uendi Mürbini isə 207 ilmə vurmuşdur.
Çempionatın yeni qalibi onların ailəsində toxuculuq sənətinin artıq ənənə olduğunu və dörd yaşından bu sənətin incəliklərini öyrənməyə başladığını bildirmişdir.
Xatırladaq ki, dünya çempionu uğrunda keçirilmiş yarışda dünyanın 100 adlı-sanlı toxucusu iştirak etmişdir.
Bölmənin digər xəbərləri
