İmola meri Formula-1 İtaliya Qran-prisi yarışlarını növbələməyi təklif edir
Bakı, 22 iyun, AZƏRTAC
AZƏRTAC www.championat.com saytına istinadla xəbər verir ki, İmola şəhərinin meri Daniele Manka Montsada keçirilən Formula-1 yürüşünün təşkilatçılarına İtaliya Qran-prisini növbələməyi təklif edir. Xatırladaq ki, Montsadakı “F-1” yarışının aqibəti hələ də məlum deyil. Bir qədər əvvəl İmoladakı avtodromun sahibi Selvatiko Estense bildirib ki, Montsada mümkün olmayacağı halda, 2017-ci ildə İtaliya Qran prisi yarışlarının keçirilməsi barədə Formula-1-in promouteri ilə şərti müqavilə imzalayıb.
D.Mankanın sözlərinə görə, o, iki trasın nəzərə alındığı alyans təklif edib. Mer deyib: “Söhbət tarixinə hörmət etdiyim Montsa və 26-cı Qran-prini qəbul edən İmoladan gedir. Təklifimiz Montsa ilə rəqabət görüntüsü yaratmaq deyil, çünki biz yürüşü növbə ilə keçirə bilərik”.
Bölmənin digər xəbərləri
