İNTELLEKTUAL MÜLKİYYƏT XÜSUSİ DİQQƏT TƏLƏB EDİR
MDB İcraiyyə Komitəsinin mətbuat xidmətindən AZƏRTAC-a bildirmişlər ki, iyunun 3-4-də Astanada sənaye mülkiyyətinin mühafizəsi məsələləri üzrə Dövlətlərarası Şuranın və intellektual mülkiyyət sahəsində qanun pozuntularının aradan qaldırılmasına dair əməkdaşlıq haqqında Sazişin iştirakçısı olan dövlətlərin Birgə İşçi Komissiyasının iclası keçiriləcəkdir.
Görüş iştirakçıları Birlik ölkələrinin milli qanunvericiliklərinin təkmilləşdirilməsi və tarazlaşdırılması üzrə işçi qrupunun fəaliyyətinin nəticələrini nəzərdən keçirəcək, ixtiraçılığın inkişafı, intellektual mülkiyyətin hüquqi mühafizəsi və müdafiəsi mexanizmlərindən istifadə etməklə, kiçik və orta innovasiya biznesinə dəstək haqqında informasiyanı dinləyəcəklər.
Məlumatda deyilir ki, iclasda intellektual mülkiyyətin hüquqi mühafizəsi və müdafiəsi məsələlərinə dair Dövlətlərarası Şuranın yaradılması konsepsiyası, ixtiraların hüquqi mühafizəsi sahəsində dövlətlərarası sirlərin saxlanılmasının qarşılıqlı surətdə təmin edilməsi haqqında 1999-cu il 4 iyun tarixli Sazişin reallaşdırılması gedişi də müzakirə olunacaqdır.
Bölmənin digər xəbərləri
