İQTİSADİYYAT SAHƏSİNDƏ NOBEL MÜKAFATININ LAUREATI DA MÜƏYYƏN EDİLDİ
Ötən yeddi gün ərzində 2004-cü ilin ən nüfuzlu beynəlxalq mükafatının bütün laureatları müəyyən edilmişdir. Amerikalılar Riçard Aksel və Linda Bak fiziologiya və tibb, onların həmvətənləri Devid Qross, Devid Politzer və Frənk Vilçek fizika, israillilər Aaron Çexanover, Avraam Gerşko və amerikalı İrvin Rouz kimya, avstriyalı Elfride Yelinek ədəbiyyat, keniyalı ekoloq Vanqari Maatai sülh sahəsində Nobel mükafatlarına layiq görülmüşlər.
Bu il hər nominasiyada mükafatın məbləği 10 milyon İsveç kronu (1 milyon 342 min dollar) qədərdir. Mükafatları dekabrın 10-da, Nobelin dünyasını dəyişdiyi gün Stokholmun Konsert evində İsveç kralı təqdim edəcəkdir. Hər bir laureat pul mükafatı ilə birlikdə, üzərində Nobelin təsviri olan qızıl medal və diplom da alacaqdır. Axşam isə Stokholm bələdiyyəsinin Mavi salonunda 1300-dək adamın iştirakı ilə ənənəvi Nobel banketi olacaqdır.
Bölmənin digər xəbərləri
