İRAN ABŞ-DAN ŞİKAYƏT ETMİŞDİR
Sənəddə deyilir ki, bu cür hədələr beynəlxalq normalara və BMT prinsiplərinə açıq-aşkar ziddir. İran BMT-ni bu hədələrə diqqət yetirərək, təcili və ciddi tədbirlər görməyə çağırmışdır. Məktubda İrana qarşı əməliyyatlar hazırlanması barədə ABŞ mətbuatında dərc olunmuş yazılara istinad edilir. Sənəddə deyilir: “Hədələr yeni səviyyəyə keçmişdir, çünki ABŞ hökuməti bu xəbərləri daha təkzib etmir”.
ABŞ-ın “Nyu Yorker” həftəliyinin aprelin əvvəllərində dərc etdiyi məqalədə deyilir ki, ABŞ komandanlığı İran nüvə mərkəzlərini məhv etmək üçün taktiki nüvə silahından istifadə etmək niyyətindədir. Prezident Corc Buş bu məlumatları “dəhşətli uydurma” adlandırmışdır. Buş İrana nüvə zərbəsinin mümkünlüyü barədə suala cavab verərək demişdir ki, ABŞ hökuməti hadisələrin inkişafının istənilən variantını istisna etmir. Eyni zamanda, daim təkrar edir ki, ABŞ İranın nüvə proqramı ətrafında münaqişəni diplomatik yollarla nizama salmağa çalışır.
Bölmənin digər xəbərləri
