İRAN ATOM ENERJİSİ PROQRAMINI BAEA-NIN NƏZARƏTİ ALTINDA HƏYATA KEÇİRİR

11.10.2004 [13:25]
Çap et
A⁺ A^-

AZƏRTAC İTAR-TASS agentliyinə istinadla xəbər verir ki, bunu Rusiya-İran danışıqlarından sonra İranın xarici işlər naziri Kamal Xərrazi bəyan etmişdir. O demişdir: “Bu proqramın həyata keçirilməsi İranın qanuni hüququdur. İran proqramdan dinc məqsədlər üçün istifadə edilməsi yolundan kənara çıxmaq niyyətində deyildir”.

RF XİN-in başçısı Sergey Lavrov isə bildirmişdir ki, “Rusiya İranın Beynəlxalq Atom Enerjisi Agentliyi ilə münasibətlərindəki tərəqqini alqışlayır”. O demişdir ki, İran 18 il bu sahədə iş aparmış, lakin BAEA-ya həmin işlər haqqında məlumat verilməmişdir. İndi bu sahədə tərəqqi nəzərə çarpır, biz də bunu alqışlayırıq. İranın uranı saflaşdırmaq proqramını dondurması etimad doğuran mühüm tədbirdir.

Nazirin sözlərinə görə, Rusiya atom enerjisi sahəsində İranla əməkdaşlığı davam etdirmək niyyətindədir. Tezliklə Buşəhrdəki AES üçün yanacaq göndərilməsi və işlənmiş nüvə yanacağının qaytarılması haqqında saziş imzalanacaqdır. İranla əməkdaşlıq hər hansı üçüncü ölkənin təzyiqi olmadan ikitərəfli əsasda həyata keçirilir.

İRAN ATOM ENERJİSİ PROQRAMINI BAEA-NIN NƏZARƏTİ ALTINDA HƏYATA KEÇİRİR

MÜƏLLİFLƏ ƏLAQƏ

Bölmənin digər xəbərləri