İran və ABŞ prezidentlərinin görüşü hazırlanır
Tehran, 27 avqust, AZƏRTAC
Əgər İran indiki hərəkətlərinə davam edərsə, onda o, real güclə qarşılaşacaq.
AZƏRTAC xəbər verir ki, bunu ABŞ Prezidenti Donald Tramp G7 sammitinin nəticəsi ilə əlaqədar Fransa Prezidenti Emmanuel Makronla keçirdiyi birgə mətbuat konfransında deyib.
ABŞ prezidenti, həmçinin İran Prezidenti Həsən Ruhani ilə görüşməyə hazır olduğunu bildirib. Tramp görüşün bir neçə həftə ərzində baş tutmasının real olduğunu bildirib.
Fransa Prezidenti Emanuel Makron isə jurnalistlərə açıqlamasında deyib ki, Tramp-Ruhani görüşünə hazırlıqlar davam edir. Görüşün sentyabrın sonunda Nyu-Yorkda BMT Baş Assambleyasının növbəti sessiyası zamanı baş tutması gözlənilir.
Rabil Kətanov
AZƏRTAC-ın xüsusi müxbiri
Tehran
Bölmənin digər xəbərləri
