İSPANİYADA DÜNYANIN GÜCLÜ ŞAHMATÇILARININ İŞTİRAK ETDİYİ “CHESS MASTERS” TURNİRİ DAVAM EDİR
İspaniyanın Bilbao şəhərində “CHESS MASTERS” turnirinin beşinci turu çərçivəsində keçirilən görüşlər “sülh”lə nəticələnmişdir.
V.İvançuk-V.Topalov, V.Anand-M.Karlsen, T.Rəcəbov-L.Aronyan qarşılaşmalarında rəqiblər xalları yarı bölmüşlər. Turnirin reqlamentinə əsasən oyunda qalib gəlmiş şahmatçılar 3, heç-heçə edənlər isə 1xal qazanırlar.
Yarış cədvəlinə yenə də V.Topalov (9 xal) başçılıq edir.
M.Karlsen 8, L.Aronyan 6, T.Rəcəbov, V.Anand və V.İvançuk hərəyə 4 xal toplamışlar.
Dairəvi sistem üzrə keçirilən turnirin mükafat fondu 400 min avrodur.
Bölmənin digər xəbərləri
