İsrail HƏMAS-la danışıqların bərpası imkanlarını müzakirə edib
Bakı, 30 dekabr, AZƏRTAC
İsrailin Hərbi Nazirlər Kabineti Qətərin HƏMAS ilə atəşkəs və girovların azad edilməsi üzrə danışıqları bərpa etmək təklifini müzakirə edib və onunla razılaşıb.
AZƏRTAC xəbər verir ki, İsrail mediası bu barədə Walla portalına istinadla məlumat yayıb.
Yeni razılaşma Qəzza sektorunda bir aylıq tam atəşkəs rejimi müqabilində 40-50 girovun azad edilməsini nəzərdə tutur. İkinci mərhələnin daha mürəkkəb keçəcəyi və İsrail ordusunun Fələstin eksklavından çıxarılması ilə bağlı olacağı gözlənilir.
Təklifin Nazirlər Kabineti tərəfindən müzakirəsinin gedişi və qəbul edilən qərarlar barədə məlumat verilmir.
“Times of Israel” nəşrinin məlumatına görə, bundan əvvəl Misir həm İsrail, həm də HƏMAS nümayəndələrinə atəşkəsin yeni mərhələsi üçün ilkin təklif təqdim etsə də, tərəflərdən heç biri buna cavab verməyib.
Bölmənin digər xəbərləri
