İSTANBUL BƏYANNAMƏSİ REGİONAL EKOLOJİ SİYASƏTİ TƏNZİMLƏYƏCƏKDİR

11.10.2004 [18:38]
Çap et
A⁺ A^-

İqtisadi Əməkdaşlıq Təşkilatının (İƏT) üzvü olan ölkələrin ətraf mühit nazirlərinin ötən həftə İstanbulda 2-ci görüşündə qəbul edilmiş Bəyannamə regional ekoloji siyasətin, birgə layihələrin həyata keçirilməsini tənzimləyəcəkdir. Görüşdə İƏT-in bütün 10 ölkəsinin təbiəti mühafizə idarələrinin rəhbərləri, müxtəlif beynəlxalq təşkilatların – BMT-nin inkişaf və ekoloji proqramlarının, Avropa Birliyinin nümayəndələri iştirak etmişlər.

Ekologiya və Təbii Sərvətlər Nazirliyindən AZƏRTAC-ın müxbirinə bildirmişlər ki, Azərbaycan nümayəndə heyətinin başçısı nazir Hüseynqulu Bağırov əvvəlki, Tehran görüşündə qəbul olunmuş “Ətraf mühitin mühafizəsi sahəsində İƏT ölkələri arasında əməkdaşlıq üzrə tədbirlər planı”nın respublikamızda həyata keçirilməsinin gedişinə dair məruzə etmişdir.

Sənəddə ekoloji cəhətdən təmiz texnologiyaların tətbiqi, bioloji müxtəlifliyin və dəniz mühitinin qorunması, ekoloji təhsil və kadr siyasəti məsələləri sahəsində fəaliyyətin həyata keçirilməsi ilə bağlı tədbirlər öz əksini tapmışdır.

İstanbul iclasının gedişində Azərbaycan nümayəndə heyəti Türkiyə, Pakistan, İran və digər ölkələrin ətraf mühit nazirləri ilə bir sıra ikitərəfli görüşlər də keçirmişdir.

İSTANBUL BƏYANNAMƏSİ REGİONAL EKOLOJİ SİYASƏTİ TƏNZİMLƏYƏCƏKDİR

MÜƏLLİFLƏ ƏLAQƏ

Bölmənin digər xəbərləri