İSTANBULDA İŞGÜZAR QADINLARIN ZİRVƏ GÖRÜŞÜ KEÇİRİLİR
Tədbirdə bəzi dövlət və hökumət başçılarının xanımları da iştirak edirlər. Türkiyə Baş nazirinin xanımı Əminə Ərdoğan açılış mərasimindəki nitqində qloballaşan dünyada hər bir fərdi, ailəni və cəmiyyəti yaşadacaq dəyərləri qorumaq üçün səyləri birləşdirməyə çağırmışdır. Suriya Prezidentinin xanımı Əsma Əssəd sabitliyin getdikcə daha çox pozulduğu və gərginliyin artdığı Yaxın Şərqdə sülhü və əmin-amanlığı bərqərar etmək üçün birgə fəaliyyətin vacibliyini vurğulamış, Əfqanıstan Prezidentinin xanımı Zinət Kərzai isə bildirmişdir ki, onun ölkəsindəki çətinliklərə baxmayaraq, bu gün əfqan qadınına kişilərlə bərabər hüquq verilməsi sahəsində işlər aparılır. O, parlamentin 28 faizini qadınların təşkil etdiyini diqqətə çatdırmışdır.
Bölmənin digər xəbərləri
