İsveç universitetində Azərbaycan dili kursları açılıb

25.01.2019 [02:34]
Çap et
A⁺ A^-

Stokholm, 25 yanvar, Rauf Əliyev, AZƏRTAC

İsveçin Malmö şəhər universitetinin “Mədəniyyət və cəmiyyət” fakültəsi nəzdində fəaliyyət göstərən Rusiya və Qafqaz Regionu Araşdırmaları Mərkəzində bakalavr pilləsində təhsil alanlar üçün Azərbaycan dili kursları açılıb.

AZƏRTAC xəbər verir ki, kurslar xüsusi təhsil proqramı çərçivəsində təqdim olunur. Burada Azərbaycan dili ilə yanaşı, tələbələrə rus və gürcü dilləri üzrə dərslər də təklif edilir.

Qeyd edək ki, Rusiya və Qafqaz Regionu Araşdırmaları Mərkəzində indiyədək yalnız rus və gürcü dilləri üzrə kurslar təklif olunurdu.

Rauf Əliyev

AZƏRTAC-ın xüsusi müxbiri

Stokholm