İSVEÇ VƏ ALMANİYA TÜRKİYƏNİN AVROPA BİRLİYİNƏ DAXİL OLMAQ SƏYLƏRİNİ DƏSTƏKLƏYİRLƏR
Y.Fişer vurğulamışdır ki, Ankara AB-yə qoşulmaq üçün ölkədə islahatlar sahəsində səmərəli tədbirlər həyata keçirməlidir.
İsveçin Baş naziri Qoran Persson bəyan etmişdir ki, Türkiyənin Avropa Birliyinə qoşulmaq planlarını onun ölkəsi də dəstəkləyir. Onun Fransa Prezidenti Jak Şirakla oktyabrın 19-da apardığı danışıqların gündəliyinə Ankaranın AB-yə qoşulması məsələsi də daxil idi. Bununla belə, Q.Persson demişdir ki, Ankara AB-yə daxil olmaq üçün bütün lazımi tələbləri yerinə yetirməlidir.
Məlum olduğu kimi, Türkiyənin bu niyyətini Fransa lideri də dəstəkləyir, lakin özünün mühafizəkar partiyası sıralarında bu məsələ ilə əlaqədar ciddi maneələrlə üzləşir.
Xatırladaq ki, oktyabrın əvvəllərində Avropa Komissiyası Türkiyənin Avropa Birliyinə qoşulması məsələsi barədə onunla danışıqlara başlamağı tövsiyə etmişdi. Gözlənildiyinə görə, bu məsələyə dair qəti qərar Avropa Birliyinin dekabrın 17-18-də Brüsseldə keçiriləcək zirvə toplantısında qəbul olunacaqdır.
Bölmənin digər xəbərləri
