İyul ayında 99 mindən çox avtonəqliyyat vasitəsi icbari sığortaya cəlb olunub VİDEO
Bakı, 2 avqust (AZƏRTAC). 2014-cü ilin iyul ayında 99307 avtonəqliyyat vasitəsi icbari sığortaya cəlb olunub. Onların 21,4 minini Azərbaycan Respublikasına tranzit məqsədilə daxil olan avtonəqliyyat vasitələri təşkil edib. Bir ayda yığılan sığorta haqlarının məbləği isə 7,8 milyon manatı ötüb. Ötən ilin müvafiq dövrü ilə müqayisədə sığorta müqavilələrinin sayında 36,7 faiz, sığorta haqlarının məbləğində 40,85 faiz artım müşahidə edilib.
İcbari Sığorta Bürosundan AZƏRTAC-a verilən məlumata görə, cari ilin 7 ayında avtonəqliyyat vasitəsi sahiblərinin mülki məsuliyyətinin icbari sığortası üzrə 515,7 mindən çox sığorta müqaviləsi bağlanılıb. Sığorta haqlarının məbləği isə 38,07 milyon manat olub.
Bölmənin digər xəbərləri
