Kambocada avtomobil qəzasında 2 çinli turist ölüb
Pekin, 22 may, AZƏRTAC
Kambocanın Bantey Minçey vilayətində baş verən yol qəzasında 2 çinli turist ölüb.
AZƏRTAC Çin KİV-lərinə istinadla xəbər verir ki, bu barədə yerli polis məlumat yayıb. İçərisində çinli turistlərin olduğu taksi yük avtomobili ilə toqquşub. Çinli turistlər hadisə yerində, taksi sürücüsü isə xəstəxanaya aparılarkən yolda ölüb.
Qeyd edək ki, Kambocada ölümlə nəticələnən yol qəzalarının sayı yüksəkdir. Ötən il baş verən qəzalarda 1761 nəfər ölüb, 4771 nəfər müxtəlif dərəcədə xəsarət alıb.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
