“Kasımpaşa”dan ayrılan Rikardo Kuarejmanın yeni klubu müəyyənləşib
Bakı, 8 sentyabr, AZƏRTAC
Türkiyənin “Kasımpaşa” futbol klubundan ayrılan Rikardo Kuarejmanın yeni klubu müəyyənləşib.
AZƏRTAC xəbər verir ki, portuqaliyalı yarımmüdafiəçi karyerasını ölkəsinin əsas liqa təmsilçisi “Vitoriya” klubunda davam etdirəcək. Bu barədə klubun mətbuat xidməti məlumat yayıb.
Otuz altı yaşlı yarımmüdafiəçi ilə imzalanan müqavilənin detalları açıqlanmayıb.
Qeyd edək ki, Kuarejma “Kasımpaşa”ya ötən il “Beşiktaş”dan keçmişdi. O, geridə qalan mövsüm Super Liqada 26 matça çıxıb və 4 qol vurub.
Bölmənin digər xəbərləri
