Kənd təsərrüfatı məhsulları 3,5 faiz artıb
Bakı, 19 may, AZƏRTAC
Kənd təsərrüfatında cari ilin yanvar-aprel aylarında diri çəkidə 187,3 min ton ət, 697,6 min ton süd, 726,5 milyon ədəd yumurta, 2,1 min ton yun, 128,3 min ton tərəvəz və 50,3 min ton kartof istehsal olunub.
Dövlət Statistika Komitəsindən AZƏRTAC-a bildirilib ki, ötən ilin eyni dövrü üzrə müqayisədə ət istehsalı 3,1 faiz, süd istehsalı 1,8 faiz, yumurta istehsalı 13 faiz, tərəvəz istehsalı 0,6 faiz, kartof istehsalı 9,5 faiz artıb, yun istehsalı isə 4,3 faiz azalıb.
Ötən ilin yanvar-aprel ayları ilə müqayisədə kənd təsərrüfatının ümumi məhsulu 3,5 faiz, o cümlədən heyvandarlıq məhsulları istehsalı 3,5 faiz, bitkiçilik məhsulları istehsalı 3,2 faiz artıb.
Bölmənin digər xəbərləri
