İsmayıllı rayonunda bu ilin doqquz ayı ərzində 11 milyard 651 milyon manatlıq kənd təsərrüfatı məhsulları istehsal edilmişdir ki, bu da ötən ilin müvafiq dövrü ilə müqayisədə 910 milyon manat çoxdur.

Rayon icra hakimiyyətindən AZƏRTAC-ın müxbirinə bildirmişlər ki, ən yüksək göstəricilər taxılçılıq və heyvandarlıq sahələrində qazanılmışdır. Belə ki, həmin müddət ərzində 4 milyard 699 milyon manatlıq taxıl, 840 milyon manatlıq ət, süd və digər heyvandarlıq məhsulları istehsal olunmuşdur.