“Kənd təsərrüfatı sığortası haqqında” Qanun layihəsi İşçi qrupu səviyyəsində müzakirə edilib
Bakı, 12 mart, AZƏRTAC
Azərbaycan Sığortaçılar Assosiasiyasının (ASA) təşkilatçılığı ilə “Kənd təsərrüfatı sığortası modelinin Azərbaycanda tətbiqi” ilə əlaqədar işçi qrupunun son görüşü keçirilib.
ASA-dan AZƏRTAC-a bildiriblər ki, görüşdə ASA-nın sədri Mustafa Abbasbəyli və Maliyyə Bazarlarına Nəzarət Palatası, Kənd Təsərrüfatı Nazirliyi, sığorta şirkətlərinin nümayəndələri, həmçinin sahə üzrə ekspertlər iştirak edib.
Tədbirdə “Kənd təsərrüfatı sığortası haqqında” Qanun layihəsi yenidən müzakirəyə çıxarılıb və tərəflər öz mövqelərini bildiriblər. Sığortaçılar tərəfindən təklif edilən əlavə və dəyişikliklər nəzərdən keçirilib və yekun təkliflərin Maliyyə Bazarlarına Nəzarət Palatasına göndərilməsi qərara alınıb.
Xatırladaq ki, fevralın 16-da Azərbaycan Sığortaçılar Assosiasiyasında “Kənd təsərrüfatı sığortası modelinin Azərbaycanda tətbiqi” ilə əlaqədar İşçi Qrupu formalaşdırılıb. İşçi qrupunun tərkibi sığorta şirkətlərinin nümayəndələri və müstəqil ekspertlərdən ibarət olub və indiyə qədər İşçi Qrupunun üç görüşü keçirilib.
Bölmənin digər xəbərləri
