İQTİSADİYYAT
KƏRKÜK-CEYHAN NEFT KƏMƏRİNDƏ YANĞIN SÖNDÜRÜLMƏMİŞDİR
İTAR-TASS agentliyindən AZƏRTAC-a daxil olmuş xəbərdə Şimali İraqın Kərkük şəhərindən Türkiyənin Ceyhan limanınadək boru kəmərində böyük yanğının hələ də söndürülmədiyi bildirilir. Mütəxəssislərin fikrincə, neft kəmərinin bərpası üçün bir neçə həftə lazımdır.
Uzunluğu 950 kilometr olan bu neft kəməri ötən həftə işə salınmışdır. Lakin iki gün sonra naməlum şəxslər kəmərdə “sabotaj aktı” törətmişdilər. İşlədiyi üç gün ərzində Türkiyənin ixrac terminallarına 750 min barrel neft ixrac olunmuşdu.