KİV: ABŞ-ın İraqın qərbindəki hərbi bazası raket atəşinə tutulub
Bakı, 9 noyabr, AZƏRTAC
İraqın qərbində yerləşən Ənbar əyalətində ABŞ-ın Ayn əl-Əsəd bazasına iki hücum həyata keçirilib.
AZƏRTAC xəbər verir ki, bu barədə “Al Mayadeen” telekanalı məlumat yayıb.
Məlumata görə, hərbi obyektə raket zərbəsi endirilib. Daha sonra bazaya kamikadze dronları tərəfindən hücum edilib.
“Al Arabiya” telekanalı adı açıqlanmayan mənbələrə istinadən xəbər verir ki, ABŞ hərbçiləri pilotsuz təyyarələrin hücumunun qarşısını ala bilib.
Bazar ertəsi İraq İslami Müqavimət Hərəkatı şiə silahlılarının Suriya və İraqda ABŞ-ın dörd hərbi obyektinə altı hücum təşkil etdiyini bildirib.
Bölmənin digər xəbərləri
