KİV: Suriyada ABŞ bazasına hücum zamanı amerikalı hərbçilər arasında həlak olanlar var
Bakı, 13 noyabr, AZƏRTAC
Suriyada ABŞ-ın Koniko bazasına raket hücumu nəticəsində amerikalı əsgərlər həlak olub.
AZƏRTAC xəbər verir ki, bu barədə “Al Mayadeen” telekanalı məlumat yayıb.
Neçə nəfərin öldüyü açıqlanmır. Koniko bazası eyniadlı neft yatağının yaxınlığında yerləşir və oraya 15 raket buraxılıb.
ABŞ-ın Suriya və İraqdakı bazalarına artan hücumlara cavab olaraq ABŞ ordusu Suriyadakı iki hədəfə zərbələr endirib. Pentaqon izah edib ki, bu, Birləşmiş Ştatların öz vətəndaşlarını və milli maraqlarını qoruyacağını hər kəsə göstərir.
Bölmənin digər xəbərləri
