KİYEVDƏ MƏDƏNİYYƏT NAZİRLƏRİ DAİMİ ŞURASININ 19-CU İCLASI KEÇİRİLMİŞDİR
Azərbaycan Mədəniyyət Nazirliyinin mətbuat xidmətindən AZƏRTAC-a bildirmişlər ki, iclasın iştirakçılarını Ukraynanın Prezidenti L.Kuçma qəbul etmişdir. Görüşdə mədəniyyət nazirləri Daimi Şurasının sədri, Azərbaycanın mədəniyyət naziri Polad Bülbüloğlu Ukrayna Prezidentinə Daimi Şuranın fəaliyyəti və müzakirə olunan məsələlər barədə məlumat vermiş, xalqlar arasında dostluq münasibətlərinin yaxşılaşmasında milli mədəniyyətlərin xüsusi əhəmiyyətini nəzərə alaraq, MDB dövlət başçılarının gələcək zirvə görüşlərində mədəniyyət nazirləri Daimi Şurasının fəaliyyətinə diqqətin daha da artırılmasını və Şuranın hesabatlarının dinlənilməsini təklif etmişdir.
Mədəniyyət nazirlərinin 19-cu toplantısına Polad Bülbüloğlu sədrlik etmişdir. Ölkələr arasında mədəni əməkdaşlığın genişləndirilməsi üzrə iyirmiyədək məsələnin müzakirə olunduğu iclasda digər iştirakçı ölkələrlə yanaşı, Azərbaycan Mədəniyyət Nazirliyinin də bir sıra təklifləri qəbul edilmişdir.
Nazirlərin növbəti görüşünün 2004-cü ilin aprelində Moskvada keçirilməsi barədə ümumi razılıq əldə olunmuşdur.
Bölmənin digər xəbərləri
