KOLUMBİYA BALIQÇILARININ UĞURLU OVU
AZƏRTAC-ın İTAR-TASS agentliyindən aldığı xəbərə görə, kolumbiyalı balıqçılar Karib dənizində dünyada ən iri – uzunluğu 30 santimetr, çəkisi bir kiloqramdan çox olan krevet tutmuşlar. Balıqçı gəmisinin xoşbəxt sahibi Qabriel Ponton jurnalistlərə demişdir ki, dünyanın ən iri kreveti məşhur kurort şəhəri Kartaxenanın sahillərində tora düşmüşdür. Ponton demişdir: “Ömrümdə heç vaxt beləsini görməmişəm. İndiyədək tutduğum ən böyük krevetin uzunluğu 10 santimetrdən artıq olmamışdır”.
“Dünya rekordçusunu” satmamaq və xüsusi hovuza buraxmaq qərarına gəlmişlər. O, xüsusi sərgi eksponatına və ola bilsin ki, yerli talismana çevriləcəkdir.
Krevetlər onayaqlı xərçəngkimilər dəstəsinin onurğasızlar yarımdəstəsinə aiddir və adətən, uzunluğu 20-30 santimetr olur. Dənizlərdə və yaxud şirin sularda yaşayan krevetlərdən dadlı yeməklər hazırlayırlar.
Bölmənin digər xəbərləri
