Kriştiano Ronaldo zədələnib
Bakı, 11 yanvar, AZƏRTAC
“Mançester Yunayted” - “Aston Villa” oyununda meydan sahiblərinin ulduz futbolçusu Kriştiano Ronaldo iştirak ərizəsində yer almayıb.
AZƏRTAC İngiltərə mətbuatına istinadla xəbər verir ki, buna səbəb portuqaliyalı futbolçunun zədələnməsi göstərilir. Otuz altı yaşlı hücumçuya yüngül əzələ zədəsi diaqnozu qoyulub.
Bu xəbəri oyundan sonra klubun baş məşqçisi Ralf Ranqnik də təsdiqləyib.
Qeyd edək ki, cari mövsüm futbolçu 21 oyunda meydana çıxıb 14 qol və 3 məhsuldar ötürmə ilə yadda qalıb.
K.Ronaldo 2009-cu ildə 100 milyon avro müqabilində “Mançester Yunayted” klubundan “Real Madrid”ə transfer olunub. Bu da onu həmin vaxt futbol tarixinin ən bahalı oyunçusuna çevirmişdi. “Real Madrid” ilə bağladığı müqaviləyə əsasən, ildə 12 milyon avro qazanan futbolçu, dünyanın ən çox qazanan oyunçusu olub. Futbolçu 2021-ci ilin əvvəlində “Mançester Yunayted” klubuna geri dönüb. Kriştiano Ronaldo karyerasında 801 qola imza atıb.
Bölmənin digər xəbərləri
