LƏNKƏRAN ÖZƏL TÜRK LİSEYİNDƏ BİLİK SƏRGİSİ AÇILMIŞDIR
Cənub bölgəsinin təhsil işçilərinin və şagirdlərin iştirak etdiyi mərasimdə liseyin direktoru Abdulla Koral, tərbiyə işləri üzrə direktor müavini Mustafa Alagözlü, Lənkəran Şəhər İcra Hakimiyyətinin başçısı Süleyman Mikayılov çıxış edərək sərgi iştirakçılarını salamlamış, ümummilli liderimiz Heydər Əliyevin təşəbbüsü ilə Azərbaycanda fəaliyyətə başlayan türk liseylərinin təhsilimizin inkişafına verdiyi töhfələri yüksək qiymətləndirmişlər.
Bilik sərgisinin açılışını bildirən qırmızı lent kəsildikdən sonra qonaqlar lisey şagirdlərinin təhsil şəraiti, əldə etdikləri nailiyyətlər, əyani tədris vasitələri ilə tanış olmuşlar.
Liseyin fəaliyyətindən söhbət açan film nümayiş etdirilmişdir.
Osman Mirzəyev adına Lənkəran qarışıqtipli uşaq evinin və liseyin bədii özfəaliyyət kollektivləri maraqlı konsert proqramı ilə çıxış etmişlər.
Bölmənin digər xəbərləri
