LƏNKƏRANDA “HEYDƏR ƏLİYEV VƏ ƏDƏBİ PROSES” KİTABININ TƏQDİMATI OLMUŞDUR
Bakı şəhərindəki “Nurlan” nəşriyyatında rus dilində çapdan çıxmış 264 səhifəlik kitabda Heydər Əliyevin bədii ədəbiyyat və incəsənətimizlə bağlı fikir və düşüncələri, müxtəlif illərdə ədəbiyyat və incəsənət xadimləri, şair və yazıçılarımızla çəkdirdiyi şəkillər əksini tapmışdır.
Təhsil Nazirliyi, Lənkəran Dцvlət Universiteti və Lənkəran Regional Elm Mərkəzinin birgə keзirdiyi mərasimdə universitetin rektoru, professor Asəf İsgəndərov çıxış edərək, Heydər Əliyevin Azərbaycan ədəbiyyatı və incəsənətinin inkişafındakı xidmətlərindən danışmış, böyük öndərin söz sənətinə yüksək qiymət verdiyini, yaradıcı şəxslərə həmişə diqqət və qayğı ilə yanaşdığını bildirmişdir.
Tədbirdə universitetin dosenti Kamran Kazımovun kitab haqqında “Ümummilli liderimiz Heydər Əliyevin ədəbiyyatımızla bağlı fəaliyyətini əks etdirən əsər” adlı məruzəsi dinlənilmişdir.
Müzakirələrdə professorlar Mirzə Rəhimov, Zeydulla Ağayev, universitetin müəllimləri Mirhaşım Talışlı, Yədulla Ağazadə, Balayar Şahbazov və Əliağa Baxşıyev çıxış edərək, Heydər Əliyevin Azərbaycan ədəbi prosesinin ayrı-ayrı mərhələlərində ədəbiyyatımızın inkişafına göstərdiyi diqqət və qayğıdan danışmış, böyük öndərin respublikamıza rəhbərlik etdiyi illəri Azərbaycan ədəbi prosesində intibah dövrünün başlanğıcı kimi qiymətləndirmişlər.
Bölmənin digər xəbərləri
