Lənkəranda ictimai nəqliyyatda tibbi maskadan istifadə etməyənlər cərimələniblər
Lənkəran, 19 may, Bağır Əliyev, AZƏRTAC
COVID-19 pandemiyası ilə mübarizə məqsədilə ölkəmizdə tətbiq edilmiş xüsusi karantin rejiminin tələblərinə ictimai nəqliyyatda riayət olunmasına nəzarət olunması üçün Lənkəran Rayon Polis Şöbəsinin Dövlət Yol Polisi Bölməsinin əməkdaşları tərəfindən tədbirlər davam etdirilir.
AZƏRTAC-ın bölgə müxbiri xəbər verir ki, keçirilən növbəti tədbirlər zamanı rayondaxili marşrutlarda sürücü və sərnişinlərin gigiyenik vasitələr və sosial məsafə ilə bağlı müəyyən edilmiş qaydalara riayət etməsi yoxlanılıb.
Sərnişinlərlə profilaktik söhbətlər aparılıb və tibbi maskalardan istifadənin zəruriliyi diqqətə çatdırılıb. Əksər insanların tibbi maska ilə bağlı tələbə riayət etdiyi müşahidə edilsə də, hələ də qaydalara və sağlamlığına biganəlik nümayiş etdirənlərə rast gəlinib.
Xüsusi karantin rejiminin tələblərini pozan şəxslər barəsində qanunamüvafiq tədbirlər görülüb.
Lənkəran Şəhər Rayon Polis Şöbəsinin Dövlət Yol Polisi Bölməsinin əməkdaşları tərəfindən, həmçinin taksi fəaliyyəti ilə məşğul olan şəxslərin və sərnişinlərin də gigiyenik vasitələrdən istifadə etməsi yoxlanılıb, tibbi maska ilə bağlı tələblərə riayət etməyənlər barəsində inzibati protokollar tərtib olunub.
Bölmənin digər xəbərləri
