LƏNKƏRANDA KƏND TƏSƏRRÜFATI İŞÇİLƏRİNİN TOPLANTISI KEÇİRİLMİŞDİR
AZƏRTAC-ın müxbiri xəbər verir ki, Lənkəran rayonu kənd təsərrüfatı işçilərinin toplantısında aqrar sahənin inkişafından danışılmış, Azərbaycan Prezidentinin «Kənd təsərrüfatı məhsulları istehsalçılarının toxum, gübrə və damazlıq heyvanları ilə təmin edilməsinə əlavə dəstək verilməsi barədə» 2008-ci il 21 avqust tarixli Sərancamından irəli gələn vəzifələr müzakirə edilmişdir.
İcra hakimiyyəti başçısının müavini Tofiq Rzayevin məruzəsində bildirilmişdir ki, cari təsərrüfat ilində rayonda 2491 ton taxıl, 98 min ton tərəvəz, 45 ton yaşıl çay yarpağı, 7620 ton kartof, 1602 ton bostan məhsulları və 400 ton meyvə istehsal olunmuşdur. «Kənd təsərrüfatı məhsulları istehsalçılarına dövlət dəstəyi haqqında» Prezident Sərəncamına uyğun olaraq, 904 nəfər istehsalçıya təxminən 73 min manat, buğda əkini ilə məşğul olan 348 nəfər istehsalçıya isə 22,5 min manat yardım edilmişdir.
Çıxış edənlər cari təsərrüfat ilində görülmüş işlərlə yanaşı, mövcud problemlərdən də danışmış, Azərbaycan Prezidentinin son Sərəncamının aqrar bölmənin inkişafında əhəmiyyətli rol oynayacağını vurğulamışlar.
Bölmənin digər xəbərləri
